Sýnendur stefna á sjöunda tuginn!
Almennt - föstudagur 5.okt.07 16:19 - Lestrar 1409
Nú er ljóst að MATURINN 2007 verður langstærsta sýning sem haldinn hefur verið norðan heiða og einungis er helguð mat og matarmenningu. Síðustu dagana hefur stöðugt bæst á sýnendalistann og eru sýnendur nú komnir yfir 60 talsins! Sýningin mun endurspegla mikla breidd í matarmenningunni á Norðurlandi því auk fjölda sýnenda af Eyjafjarðarsvæðinu verða mjög öflugir básar frá Þingeyingum og Skagfirðingum.
Enn er mögulegt fá inni á sýningunni en við hvetjum áhugasama sýnendur að hugsa og framkvæma strax ef þeir ætla að tryggja sér pláss. Laust er einnig á markaðnum fyrir þá sem vilja selja úr haustuppskerunni, sultur, ber, grænmeti eða hvað sem er.
Frekari upplýsingar um sýnendalista og fleira. (smella hér)
